Biz siz bilan birgalikda ko‘rinmas, ammo qudratli olamga sayohat qildik. Bu kitobning birinchi sahifalarida mikrob nima ekanligini bilmaydigan oddiy qiziquvchi edingiz, hozir esa uning qanday tuzilgani, qanday yashashi, qanday qilib bizni kasal qilishi va eng muhimi – unga qarshi qanday kurashish kerakligini biladigan mutaxassisga aylandingiz. Siz o‘rgangan bu bilimlar – shunchaki imtihon topshirish uchun emas. Bu bilimlar kelajakda sizning bemoringiz hayotini saqlab qolish uchun kerak. Qo‘lingizga skalpel olganingizda – Lui Paster va Aseptikani eslang.Antibiotik yozayotganingizda – Fleming va Rezistentlik muammosini unutmang.Emlashga qarshi gaplarni eshitganingizda – Chechak ustidan qozonilgan g‘alaba va Poliomielitdan cho‘loq bo‘lgan bolalar ko‘z oldingizga kelsin.Har safar bemor oldiga kirishdan oldin qo‘lingizni yuvganingizda – bu oddiy harakat ortida qanchalik buyuk Mikrobiologiya fani turganini his qiling.Mikrobiologiya – bu tugamaydigan fan. Viruslar o‘zgaradi, yangi kasalliklar paydo bo‘ladi (COVID-19 bunga yaqqol misol), bakteriyalar dori tanlamay qo‘yadi. Shuning uchun o‘qishdan, izlanishdan to‘xtamang. Poydevoringiz mustahkam. Endi uning ustiga bemalol klinik fanlar binosini qurishingiz mumkin. Sizga mashaqqatli, lekin sharafli kasbingizda omad tilayman!